Жасыл қырат жақта…

Ең көп суицид жасайтын елдердің қатарына Шығыс Азия елдері бірінші кіреді. Оның ішінде Жапония көш бастап тұр. Әлбетте, жер аз, ал халық саны көп, әр салада бәсекелестік, әрі жоғары деңгейде. Токио сияқты үлкен магаполисте жоғалып кетуден бұрын, рухани тұрғыда жоғалу әбден мүмкін. Осындай опасыз өмірден шаршаған кейбір адамдар метроның астына түсіп, өлуді жөн санайды екен. Бірақ кейін өзін-өзі өлтірген адамның отбасына үлкен сомада айыппұл салынатын көрінеді. Өйткені бір адамның кесірінен бір линия қозғалысы тоқтайды, ал бұл транспорт компаниясына шығын әкеледі, ал адамдардың уақытын алады, түптеп келгенде елдің экономикалық жағдайына да әсерін тигізеді. Бастапқы кезде адамдар олардың линиясында болған өлімді естіп, қатты қорқатын болса, қазір ашуланатын көрінеді. Өйткені, метро жұмысын тоқтатады, ал адамдардың жарты күн уақыты бос кетеді. Ал жарты күн Токио үшін жарты өмірге тең.

Жалғасы…

Менің жаңа мекенім. Барлық оқырмандарымды жаңа блогымнан көремін деп үміттенемін.

2008 жылдан бері теледидардан көрсетіліп келе жатқан «Күзгі жапырақтар» түрік сериалы біздің елде үлкен аудитория жинай алды. Бізде ғана емес, Түркияның өзінде сериал бес маусымында да үлкен рейтингпен өткен екен. Тіпті «Манчестер Юнайтед» пен «Бешикташ» арасында өткен матч та көрермендер арасында осы сериалдың рейтингісіне жетпепті.

Түрік классигі Решат Нури Гүнтекиннің «Күзгі жапырақтар» романы бойынша түсірілген бұл сериал 17 марапат алған, ал басты рөлдердегі Халил Ергүн (Али-Рыза Текин) және Бенну Йылдырымлар (Фикрет) өз рөлдері үшін бірнеше рет үздік актер/актриса атанған. Сериал түсірілген «АйЯпым» киностудиясында жас мамандар жұмыс істейді екен. Және көбіне әйелдер. Барлық маусым 39-жасар продюсер Месуде Ерасланның жетекшілігімен түсірілген. Сонымен қатар сценаристер Эдже Йоренч пен Мелек Генчоглудың да еңбектері зор.

Жалғасы…

Ресей әншісі Алла Пугачеваны өз жерлестері «Примадонна» деп еркелетеді. Ел арасында қаншама өсек-аянға, сөзге қалып жүрсе де Алла Пугачева сахнаға шыққан сайын халық оны қолпаштап, қошаметке бөлейтінін жиі көреміз.

Біздің ұрпақтың есіне Алла Пугачеваның жас жігітпен бас қосқаны, жалпы көбіне жеке өмірі ғана оралады. Алдында «ОРТ-Евразия» телеканалынан осы әншінің 2000 жылдары түсірілген есеп беру концертін көріп қалдым. Өмірімде мұндай актриса-әншіні ешқашан көрмеген екенмін. Образға кіріп, тіпті дәл сол сәтте, дәл сол мезетте сондай оқиға басынан өтіп жатқандай ән салады, айқайлайды, күледі, жылайды… Не керек тіпті бір театр спектаклін көріп жатқандай әсерде болдым, сондағы сахнада тек бір ғана әнші ән айтып тұр.

Алла Пугачева бір сұхбатында айтқан екен, «Қызыма (яғни Кристина Орбакайте) бақыт пен қатар қайғы тілеймін» – деп. Өйткені қайғы көрмей ол ешқашан әнші бола алмайды деп. Жалпы Алла Пугачеваның сұхбаты болсын, жәй әңгімесі болсын тыңдасаң, өмір көрген, өз философиясы қалыптасқан адамды көресің. Бәлкім тағдыр оған осындай ауыртпашылықтар көп берген шығар, соңында осындай атақты актриса-әнші болуы үшін, халықтың ішкі зарын айту үшін, жан-дүниесімен түсініп, елге жеткізу үшін, жұбату үшін.

Жалғасы…

Көбіміз осы уақытқа дейін махаббат сезімін бастан кешірген шығармыз. Мейлі ол қандай болсын: бір жақты махаббат, жауапсыз махаббат, алып-ұшырған махаббат, қайғылы махаббат…

Өзімізден жырақ кеткен адамды уақыт өте келе ұмытқанмен ара-тұра еске түсетіні анық. Не істеп жүр екен? Қызық, ол да дәл мендей есіне ала ма екен? Ең алғашқы қыдырып барған бақ, осыны жолда көрсе мен есіне түсем бе екен? Әлде мен сүйетін құлпынай балмұздағын бал татқандай жей ма екен? Эгоистік шығар, біз үшін жауапсыз кеткен махаббат әркез өкініп жүргендей еске оралады. Мейлі ол қосағын тауып, бақытты болсын, сені мүлде ойына да алмайтын шығар, бірақ бәрібір сендей адамды ендігәрі жолықтырмайтындай болады да тұрады…

Жалғасы…

Бұрынырақта, бір он жыл бұрын шығар «Отырар сазы» халық аспаптары оркестрінің концертіне барған едік. Сол кездегі концерттен алған әсерімді әлі күнге ұмытар емеспін. Сол кезде бүткіл қазақ музыкасын, жалпы ұлтымды сүйіп, қадірлеп кеткен едім. ))

Алдында газетке Жамбыл атындағы филармонияның афишасы келіпті. 16-сәуірде «Отырар сазының» концерті болады деп. Ұсыныс тасталды – құпталды, солай қарай тартып тұрдық.

Жалғасы…

15-сәуір “Ұлттық ғашықтар күні” етіп атап өтейік деп ұсыныс тасталғанын жақсы білесіздер. Негізінде 14-ақпан күнінен айтарлықтай айырмашылығы жоқ. Тек сол “әулие” дегеннен құтылудың амалын жасаған сияқты. Бірақ күн жылыған кезде тіптен жақсы болды. Осы күнге орай Алматыда (басқа қалалар жағын білмедім) «аспан фонариктерін» ұшыру үрдісін ұйымдастырған еді. Шара жайлы көп ақпарат берілген жоқ. Алайда Интернеттің күші сол, ұйымдастырылған жер — «Тұңғыш президент паркі» ығы-жығы адамға толы болды. Ғашығы бар, емесі бар, отбасымен келіп фонариктер ұшыруға қызыққан жұрттан аяқ алып жүргісіз.Осыдан-ақ елдердің романтикаға шөлдеп қалғанын аңғаруға болады.

Шыдамсыз жұрт аталған 22:00-дің орнына сағат 21:00-ден бастап жібере бастаған сияқты. Көппен бірге бір уақытта жібергенде тіптен әдемі болар ма еді?
Жалғасы…

Алдында автобуспен үйге қайтып бара жатқанда, аллеяның орындықтарында бір-бір жұптан отыр. Ана бір өлең бар еді ғой «Nobody wants to be lonеly» деген, сол сияқты әрбір адамзат баласы жалғыз болғысы келмейді ғой. Мүмкіншілік болып жатса қосағын тауып, өмірін мәнді өткізгісі келеді. Бір жерден оқып едім, жігіттерге тым жақсы қыздар ұнамайды, олар түбінде батыл, тәуелсіз, өзіне сенімді қыздарды таңдайды деп, сол сөздің жаны бар ма деймін. Әлбетте тым батылсып, өзімшіл болып кетуге де болмайды, бәрін ақылға салып, саралап дұрыс шешім жасай білу де өнер. Жалпы қыз баланың қырық жаны бар дейді, соны ақылмен пайдалана білу керек. )

Жалғасы…

Кәрістерді 1 жылдай зерттеуім бойынша, олардың басты көңіл көтеру орталығы болып – караоке саналады. Бір компания жиналады да, караокеге барады, ішеді, ән айтып, билейді, яғни стресс шығарады. Біздің елде мұндай үрдіс әлі толық жетілмеген, алайда қазіргі уақытта караокеге барғыштардың саны артып келеді, оның ішінде әрине қыздар қауымы. Ал жігіттер қысылып, көп бара бермейді. Менің байқауымша караокеге алғаш барғандар көбі ұялып барады. Бастапқыда ән айтпаймын, жәй бақылап отырамын деп ойлайды. Алайда берілген катаолгтағы көптеген өлеңдердің соблазнына беріліп, өзі микрофонды алып, қалай айтып кеткенін байқамай да қалады. Жалғасы…

Жақында ғана оның өлімі жайлы Интернет біраз шулап еді, қытай жұлдызы, шүкір, аман-сау, тіпті өзі түскен 100-ші фильмінің тұсауын кеспекші екен, оның көбінде өзі басты рөлдерде ойнаған. Фильм 70-ке жуық танымал кино-жұлдыздардың басын қосып, «1911» деген атпен әлемге ұсынылады.

Жалғасы…